​Буряад Уласта хүүгэдэй сэнгүүлгын түбүүд ажалаа эхилбэ

Коронавирус үбшэ хинаха талаар уласай оперативна штабай шиидхэбэреэр улас дотор хүүгэдэй сэнгүүлгын түбүүд нээгдэбэ.

Сентябриин 21-һээ хүүгэдэй сэнгүүлгын түбүүд, талмайнууд, танхимууд тусхай эрилтэнүүдые сахин, ажаллажа эхилбэ:

- эдэ түбүүдтэ 50%-ээр хүнүүд орожо, тиихэдэ сэнгүүлгын түбэй талмайн 4 м² нэгэ хүнһөө дээшэ байха ёһогүй;

- хоорондоо 1,5 метр зай баримталха, аттракциондо (техническэ аргаар болохо һаань) энэ зай баһал баримталха, хүнүүдэй олоор орохогүйн тула ажал ябуулха;

- хүдэлмэрилэгшэд коронавирусһаа һэргылһэн тарилгануудые абанхай гэһэн гү, али хахад жэлһээ дээшэ бэшэ болзорто үбшэлһэн тухай эмнэлгын дансатай байха болоно;

- хүдэлмэрилэгшэд болон түбүүдтэ орогшод ама, хамараа бүглэхэ, гараа арюудхаха талаар хангагдаха ёһотой;

- талмай, танхимуудта дезинфекци хэгдэхэ ёһотой;

- хүдэлмэрилэгшэд болон орһон хүнүүдэй бэеын халуун хэмжэгдэхэ ёһотой;

- санитарна-эпидемиологическа эрилтэнүүд сахигдаха ёһотой.