​Буряад Уласай ажаһуугшад Москва хүрэтэр 3,5 мянган түхэригөөр авиабилет абаха аргатай

Үбэлэй хаһада рейсдэ гарахагүй «Победын» орондо «Smartavia» компани «Улаан-Үдэ-Москва», «Москва-Улаан-Үдэ» гэһэн замаар февралиин 20-һоо субсидированна биледүүдээр ниидэжэ эхилхэ. 3500 түхэригһөө сэнтэй биледүүдые мүнөө худалдан абахаар. Сентябриин 22-һоо мартын 26 болотор рейснүүдтэ энэ һарын 22-23-да компаниин сайтда биледүүд хямдаар худалдагдана.

«Улаан-Үдэ-Москва» гэһэн рейсдэ 737-800 боинг долоон хоногой дүрбэ дахин ниидэхэ юм.

Гүрэнэй ниислэл хүрэтэр болон һөөргөө бусаха субсидированна биледүүдые 23 хүрэтэр наһатай залуушуул, 55-һаа дээшэ наһатай эхэнэрнүүд, 60-һаа дээшэ наһатай эрэшүүл, олон үхибүүтэй гэр бүлэнүүд, эрэмдэг бэетэй хүнүүд худалдан абаха аргатай. «Smartavia», S7 компаинуудай рейс бүхэндэ иимэ биледүүд худалдагдаха.

- Үбэлэй хаһада «Победа» авиакомпани ниидэхэгүй гэһэн шиидхэбэри абаһан байна. Тэрэнэй орондо мүнөө «SmartAvia» ажалаа ябуулха. Үхибүүдэй, һурагшадай, тамиршадай бүлэгүүд, илангаяа бүлэгүүд, «Smartavia» компанида биледүүдые абана, - гэжэ «Байкал» аэропортын худалдаа-наймаанай захирал Дмитрий Гармаев хэлэбэ.

Москва, Улаан-Үдэ хотонуудые үдэр бүри Победа, С7 рейснууд холбоно. Энэ замаар мүнөө «Smartavia» хабарай сагта долоон хоногой гурба дахин, зундаа неделиин таба дахин ниидэхэ гэжэ нэмэгдэбэ. Октябриин 27 болотор авиакомпаниин ниидэхэ гурим нээлтэтэй байха.