Ниигэм 26 sep 2021 491

​​​​​«Буряад үнэнэй» шогуудһаа: Горькиин гар табилгатай билет

Хоца Намсараевта олгогдоһон Уран зохёолшодой холбооной жэнхэни гэшүүнэйнь билет дээрэ агууехэ Алексей Максимович Горькиин гар табигдаһан байгаа. Биледүүдэй һэлгэлтэ болоходонь, Хоца Намсараевич энэ нангин дэбтэрээ хэндэшье үгөөгүй һэн.

“Горькиин гартай, Горькиин гараар дарагдаһан тамгатай билет ха юм. Иимэ гайхамшагта документые юундэ үгэбэ гээшэбиб! Алексей Максимович бидэнэрэй, бүхы совет уран зохёолшодой, агууехэ багшамнай ха юм. Горькиин нэрэдэ, бэедэ үргэлжэ һүгэдэжэ ябадагби”, - гээд, Хоца Намсараевич омогорхолтойгоор хэлэһэн юм. Тиигээд тэрэ биледээ бидэндэ үзүүлхэдээ, холо ошонгүй, хажуудамнай байгаад үзүүлдэг бэлэй.

Автор: Галина БАЗАРЖАПОВА-ДАШЕЕВА бэлдэбэ