301
Сентябриин 24-дэ уласай онсо байдал һэргылхэ болон хойшолонгуудые усадхаха болон түймэрэй аюулгүй байдал хангаха талаар комисси Улаан-Үдын захиргаанда мүнгэ һомолхо тухай хэлсээ. Энэ мүнгэн нэгэ доро түлэгдэхэ мүнгэн тэдхэмжэдэ шэглүүлэгдэхэ.
Улаан-Үдэ хотын мэрэй нэгэдэхи орлогшо Олег Екимовскиин хэлэһээр, сентябриин 24-эй байдалаар, уһанһаа хохидоһон 158 ажаһуугшадһаа мэдүүлгэнүүд ороһон байна. Нэгэ доро түлэгдэхэ мүнгэн тэдхэмжэдэ 1,5 сая түхэриг шэглүүлэгдэхэ.
Энээнһээ урид Буряад Уласай нөөсын жасаһаа хотын захиргаанда 52,2 сая түхэриг һомологдоһон байгаа. Энэ мүнгэнһөө 10-10 мянган түхэригэй тэдхэмжэдэ хотын зүүн бэеын 244 ажаһуугшада түлэгдөө, зарим зөөриеэ алдаһан 43 ажаһуугшада 50-50 мянган түхэриг дамжуулагдаа, бүхы зөөриеэ алдаһан 9 ажаһуугшада 100-100 мянган түхэригэй тэдхэмжэ үзүүлэгдээ.
Онсо байдалай хойшолонгуудые усадхаха, хохидогшодто туһа үзүүлхэ талаар ажал үргэлжэлһөөр. Хэр зэргэ хохидооб гэжэ шэнжэлхэ талаар мэдүүлгэ ЕДДС - 051, 21-36-65 утаһануудаар; Советскэ хороогой захиргаанда 22-75-88; Октябрьска хороогой захиргаанда 41-55-33 утаһануудаар оруулжа болохо.
Источник: Буряад Уласай Засагай газарай мэдээсэлэй албан
Фото: Буряад Уласай Засагай газар
