​Гурбадахи хүүргэдэ нэрэ үгэхэ талаар һанал хуряалга Буряадта үнгэргэгдэхэ

Улаан-Үдэдэ Үдэ гол дээгүүр баригдажа байһан хүүргэдэ Буряадай ажаһуугшад нэрэ үгэхэ. ТОП 10-ай тоодо ороһон нэрэнүүдэй дундаһаа Буряадай ажаһуугшад сентябриин 28-һаа октябриин 10 болотор Буряад Уласай Засагай газарай Вконтакте сүлжээндэ һайхашааһанаа шэлэхэ аргатай.

«Третий – мост новая жизнь» гэһэн мүрысөөн июлиин 20-һоо эхилээ. Буряадай ажаһуугшад гурбадахи хүүргэдэ 300-һаа дээшэ дурадхалнуудые оруулаа. Мүрысөнэй хоёрдохи шатада жюриин гэшүүд арбан нэрэ шэлэһэн байна. Жюриин бүридэлдэ сэдхүүлшэн Юлия Пермякова, транспортын, элшэ хүсэнэй болон харгын ажахын сайд Александр Гоге, барилгын болон гэр байрын ажахын сайд Николай Рузавин ороо.

ТОП-10-ай тоодо ажаһуугшадай эгээл олоор эльгээһэн нэрэнүүд оруулагдаа:

- Президентский

- Народный

- Эра

- Три Генерала

- Надежды

- Верхнеудинский

- Юбилейный

- Талаан (Удача)

- Лебедь

- Академический

«Третий – мост новая жизнь» гэһэн мүрысөөнэй гурбадхи шата сентябриин 28-һаа октябриин 10 болотор үргэлжэлхэ. Буряад Уласай Засагай газарай https://vk.com/buryatiaofficial гэһэн албан ёһоной хуудаһанда үнгэргэгдэхэ.