​Буряадай Захааминай аймагта зайн галаар хангахын түлөө ажал ябуулагдана

«Буряадай хүдөө нютагуудай хүгжэлтэ” гэһэн гүрэнэй программын ашаар Захааминай аймагта зайн галай утаһануудые һэльбэн шэнэлхэ ажал бэелүүлэгдэнэ. Хасуурта нютагай түб гудамжаар болон Захаамин хотын Модонкульская, Заправочная гудамжануудаар заһабарилга хэгдэнэ.

Гадна эдэ үйлсэнүүдээр олон үхибүүтэй бүлэнүүдтэ шэнэ гэрнүүд баригдахаар түсэблэгдэнэ. Түсэлэй ашаар 250 кВА хүсэтэй трансформатор табигдаха, зайн гал дамжуулха утаһанууд, бахананууд һуулгагдана. Мүнөө сагта 96 баханын 82-ынь тодхогдонхой. Байгша оной октябрь һарын һүүл багта эндэхи гудамжануудта зайн гал оруулагдахаар хараалагдана. 
Гүрэнэй талаһаа энэ хэрэгтэ 5 саяһаа үлүү түхэриг мүнгэн үгтэһэн байгаа. 

“Нёдондо энэ гүрэнэй программын ашаар Түнхэнэй аймагай Шэмхэ болон Хужар нютагуудта зайн галай соргонуудые татаһан байгаабди. Мүн тиихэдэ үйлсэнүүдээр зайн гал алмадаг 
гэрэлтүүлгын 300 светильник тодхообди. Гудамжаар һүниин сагта ябахань аюулгүй болоо”, - гэжэ Буряадай транспортын, элшэ хүсэнэй болон харгын ажахын хүгжэлтын талаар сайд Александр Гоге нэмэжэ хэлэһэн байна.