​Буряад Уласта компьютерна клубууд ажаллажа эхилээ

Коронавирус үбшэнтэй тэмсэхэ, хинаха талаар уласай опреативна шиидхэбэреэр улас дотор компьютерна клубууд нээгдэбэ. Эдэ хадаа улас дотор хизаарлалта байһан һүүлшын эмхинүүд болоно.

Сентябриин 30-һаа эдэ эрилтэнүүдые сахин, компьютерна клубууд ажалаа эхилээ:

- эдэ түбүүдтэ 50%-ээр хүнүүд орожо, тиихэдэ сэнгүүлгын түбэй талмайн 4 м² нэгэ хүнһөө дээшэ байха ёһогүй;

- хоорондоо 1,5 метр зай баримталха, аттракциондо (техническэ аргаар болохо һаань) энэ зай баһал баримталха, хүнүүдэй олоор орохогүйн тула ажал ябуулха;

- хүдэлмэрилэгшэд коронавирусһаа һэргылһэн тарилгануудые абанхай гэһэн гү, али хахад жэлһээ дээшэ бэшэ болзорто үбшэлһэн тухай эмнэлгын дансатай байха болоно;

- хүдэлмэрилэгшэд болон түбүүдтэ орогшод ама, хамараа бүглэхэ, гараа арюудхаха талаар хангагдаха ёһотой;

- талмай, танхимуудта дезинфекци хэгдэхэ ёһотой;

- хүдэлмэрилэгшэд болон орһон хүнүүдэй бэеын халуун хэмжэгдэхэ ёһотой;

- санитарна-эпидемиологическа эрилтэнүүд сахигдаха ёһотой.