​«Лидеры России» мүрысөөнэй түгэсхэлэй шатада Буряадай арбан мэргэжэлтэд хабаадаа

2021 оной октябриин 1-3-ай үдэрнүүдтэ Владивосток хотодо «Россия - страна возможностей» гэһэн юрэнхылэгшын платформын флагманска түсэл болохо мүрысөөнэй «Государственное управление», «Бизнес и промышленность» гэһэн трегүүдэй түгэсхэлэй шата үнгэрөө. Түгэсхэлэй шатада Алас Дурнын федеральна тойрогой хабаадагшад, тэрэ тоодо, Буряадай 10 мэргэжэлтэд, оролсоно.

Октябриин 1-дэ дахинаа шалгалтын тестировани үнгэргэгдэжэ, түгэсхэлэй шатада хабаадагшад элирүүлэгдээ. Октябриин 2-3-да сэгнэлгын хэмжээ ябуулганууд үнгэргэгдэхэ, тиихэдэ албан хэрэгэй болон болбосоролой программа эмхидхэгдээ. Октябриин 3-да хоёр трегүүдтэ илагшад элирүүлэгдээ.

«Гүрэнэй хүтэлбэри» гэһэн шатада Буряадай 7 мэргэжэлтэн: Аверина Надежда, Алексеев Евгений, Арбутовская Ольга, Базархандаев Доржи, Байкова Арюна, Гунзынов Жамсо, Сотнич Максим хабаадана. Алас Дурнын федеральна тойрогто энэ шатада 1393 хабаадагша бүридхэлдэ абтаа, Ород гүрэн дотор - 37308 хүн. Трегэй зорилго хадаа гүрэнэй хүтэлбэриин системын урагшатай хүтэлбэрилэгшэдые элирүүлгэ болоно.

Трегэй эрхим хабаадагшад Ородой можо нютагуудай хүтэлбэрилэгшэд болон гүрэнэй, ниитэ-бодолгын ажаябуулагшадтай хүдэлхэ аргатай болохо, стажировка гаража, гүрэнэй засагай федеральна болон можо нютагуудай зургаануудта тушаалда зууршалха, болбосоролой программа гараһан тухай үнэмшэлгэтэй болохо юм.

«Бизнес и промышленность» шатада Буряадай гурбан мэргэжэлтэд: Матхеев Семен, Мадасов Максим, Самбатов Содном хабаадана. Алас Дурнын федеральна тойрогто энэ шатада 1422 хабаадагша бүридхэлдэ абтаа, Ород гүрэн дотор – 57411 хүн. «Бизнес и промышленность» трегэй зорилго хадаа эдэй засагай һалбарида тон урагшатай мэргэжэлтэдые элирүүлгэ болоно. Ородой Холбоото Уласайһ Юрэнхылэгшын туһалагша Максим Орешкин трегэй залан хүтэлбэрилэгшэ юм.

Трегэй эрхим хабаадагшад олзын хэрэг эрхилэлгэ, үйлэдбэриин һалбариин, ородой компанинуудай хүтэлбэрилэгшэдтэй хүдэлхэ, болбосоролой программа гараһан тухай үнэмшэлгэтэй болохо, трегэй партнёрнууд болохо «Сбербанк», «Росатом», «Газпром нефть», «Россети» бүлгэмүүдтэ, «Лукойл» группа, «Роскосмос» гүрэнэй корпораци, «Интер РАО ЕЭС», «РусГидро», «НК «Роснефть», «РЖД» бүлгэмүүдтэ, Банк ДОМ.РФ, «Ростех», «СИБУР Холдинг», «Ростелеком» бүлгэмүүдтэ тушаалда зууршалха аргатай.

Тодорхой мэдээсэл ЛидерыРоссии.рф сайтда абахаар.