​Улаан-Үдэдэ гэр барилгын комбинат шэнээр нээгдээ

Шэнээр нээгдэһэн гэр барилгын комбинат 5 жэл таһалгаряагүй хүдэлһэн ажалшадтаа миинтээр гэр үгэхэ юм. Мүнөөдэрэй байдалаар 50 хүн эндэ хүдэлмэритэй болобо, гадна ажалай сүлөө 150 һуури тоологдоно. Гэхэтэй хамта, комбинадта ажалай һайн эрхэ нүхэсэл байгуулагданхай - түлбэригүй хамтын байра, эдеэнэй газар. Ажалшадай салин 50000-70000 түхэриг байхаар хараалагдана.

2020 ондо Буряад Уласай Засагай газар, Улаан-Үдэ хотын захиргаан, «БурГражданСтрой» компани хоорондоо хэлсээ баталжа, байгша оной сентябрьта шэнэ комбинат нээгээ. Мүнөөдэр эндэ ажал түлэг дундаа - барилгада хэрэгтэй түмэр, шулуун нөөсэлэгдэнэ, 16, 10 тоннын кранууд болоод барилгын хэрэгсэлнүүд абтаа. Нэгэ халаан соо комбинат 60 панель гаргаха аргатай - энэ хадаа 16 дабхартай, 2 подьездтэй гэрэй 1 этаж болоно. Жэлэй туршада 70-80 мянган хоёролжон метр ашаглалда тушаагдажа байха.