379
Буряад Уласай Толгойлогшо Алексей Цыденов октябриин 6-да Хэжэнгын аймагаар албанай хэрэгээр ябахадаа, Улаан-Үдэ-Загарай-Хэжэнгэ-Хори шэглэлэй 134-150 модоной харгын заһабарилга шалгаба.
Заһабарилгын ажал 2020 оной июль һараһаа ябуулагдана. Москвагай можын «Гарант Поставка» гэһэн бүлгэм харгы заһана. Энэ эмхитэй 158 сая түхэригэй хэлсээн баталагданхай.
- Һайн шанартай, аюулгүй харгы аймагай хүгжэлтэдэ түлхисэ болохо. Транспортаар аймаг хүрэтэр һаадгүй хүрэхөөр болохо, эдэй засаг, инфраструктура хүгжэнэ. Энэ харгын заһабарилга үргэлжэлхэ. Харгын удаадахи хэһэг заһабарилха талаар дансанууд хэрэгтэй экспертизэ гарана, - гэжэ Алексей Цыденов хэлэбэ.
Буряад Уласай Засагай газар Улаан-Үдэ-Загарай-Хэжэнгэ-Хори шэглэлэй удаадахи 150-177-дохи модоной харгы заһабарилха талаар ажал ябуулна. Проектнэ дансануудые бэлдэхэ талаар худалдаан хэгдээ. Аукциондо «Глобалинжиниринг» бүлгэм шүүгээ, хэлсээнэй хэмжээн 3 сая түхэриг.
Источник: Буряад Уласай Засагай газарай мэдээсэлэй албан
Фото: Буряад Уласай Засагай газар
