​Алас Дурнын гектарта бэелүүлэгдэһэн эрхим түсэлнүүд «Звезда Дальнего Востока» гэһэн шанда хүртэхэ

«Эрхим гектар» гэһэн номинацида федеральна программын хэмжээндэ Алас Дурнын гектар абажа, тэрэнээ ашаг үрэтэйгөөр хэрэглэгшэд шагнагдаха юм. Вице-премьер – Ородой Холбоото Уласай Юрэнхылэгшын Алас Дурнын федеральна тойрогто бүрин эрхэтэ түлөөлэгшэ Юрий Трутневай хэлэһээр, «Звезда Дальнего Востока» гэһэн шан – эдэбхитэй зондо, Эхэ ороноо хүгжөөжэ, Алас Дурнын тойрогто ажабайдал һайжаруулдаг хүнүүдтэ. Алас Дурнын гектар ашаг үрэтэйгөөр хэрэглэһэн хүнүүдые шагнаха талаар мүрысөөн туһатай».

Алас Дурнын болон Арктикын хүгжэлтын корпораци «Алас Дурнын гектар» гэһэн программада хабадагшадые, түсэлнүүдээ дурадхахыень урижа, шанда хүртэхэ талаар мүрысөөндэ хабаадаха мэдүүлгэ оруулха хэрэгтэ туһа хүргэхэ.

«Звезда Дальнего Востока» гэһэн шангай хүсөөр хадаа гүрэн дотороо түсэл тухай дуулгаха, Алас Дурнын газарта олзын хэрэг эрхилэгшын арга боломжонууд тухай хөөрэхэ арга олгогдоно.  Алас Дурнын гектарта бэелүүлһэн һонирхолтой, ашаг үрэтэй шиидхэбэринүүд шэнэ эдэбхи үүсхэлэй жэшээ болоно», - гэжэ Алас Дурнын болон Арктикын хүгжэлтын корпорациин юрэнхы захирал Игорь Носов хэлэбэ.

Дүрбэн жэлэй туршада «Эрхим гектар» гэһэн номинацида шангай барюулагдажа байгаа сагта арбанһаа дээшэ түсэлнүүд тэмдэглэгдээ, тэдэнэй дунда аяншалгын баазанууд, фермерскэ ажахынууд, пасеканууд, жэмэс, һархяаг, эм домто ургамалнуудые түүлгэн болон бусад. Тиигэжэ 2019 ондо «Эрхим гектар» гэһэн номинацида хуһанай шүүһэ үйлэдбэрилхэ түсэл («Дальневосточная слобода» кооперативай түрүүлэгшэ Андрей Воротняк, Хабаровска хизаар), лауреадуудай нэрэ зэргэдэ хилээмэ бариха түсэл («Хлеб Отец» ажахын хүтэлбэрилэгшэ Андрей Шаплов, Приморско хизаар) болон түхэреэн жэлдэ газар доро клубника ургуулха түсэл (Денис Меламед, Камчатска хизаар). 2017 онһоо хойшо шангай лауреадай нэрэ зэргэдэ Алас Дурнын хүгжэлтэдэ хубитаяа оруулһан 100-һаа дээшэ олзын хэрэг эрхилэгшэд, эмхинүүд, олониитын ажал ябуулагшад, сэдхүүлшэд хүртэһэн байна.

Алас Дурнын гектарта бэелүүлэгдэһэн эрхим түсэлнүүд Алас Дурнын федеральна бүхы тойрогһоо суглуулагдаха. 2021 оной ноябриин 19 болотор мэдүүлгэнүүдые оруулжа болоно. Тодорхой мэдээсэл  www.премия-звезда.рф сайтда абахаар. Ородой Холбоото Уласай Юрэнхылэгшын Алас Дурнын федеральна тойрогто бүри эрхэтэ түлөөлгын аппарадай, Алас Дурна болон Арктика хүгжөөхэ талаар Ородой Холбоото Уласай       яаманай, Алас Дурнын болон Арктикын хүгжэлтын корпорацииин дэмжэлгээр шан барюулагдаха.

«Алас Дурнын гектар» гэһэн программа 2016 онһоо хойшо бэелүүлэгдэнэ гэжэ һануулнабди. Интернедээр мэдүүлгэ оруулжа, түлбэригүйгөөр газар абажа болохо. Мэдүүлгэ оруулһан хүн бүхэн хаана, хэды шэнээн газар абаха, яаж тэрэнээ хэрэглэхэб гэжэ шиидхэбэри абана. Алас Дурнын федеральна тойрогто «Алас Дурнын гектар» хадаа гүрэнэй дэмжэлгэдэ хүртэхэ арга болоно. Мүнөө энэ программада 96 мянганһаа дээшэ хүн хабаадана гээд тэмдэглэлтэй. Алас Дурнын тойрогто ажаһуугшад болон бусад можо нютагуудай түлөөлэгшэд газар абажа, гэр байра абажа, хүдөө ажахы эрхилнэ, аяншалгын болон олзын хэрэг эрхилэлгын түсэлнүүдые бэелүүлнэ.