​Улаан-Үдэдэ крематори баригдаба

Улаан-Үдэ хотодомнай наһа бараһан хүнэй һэе хайлуулха крематори баригдаба. Засагай мүн олзын хэрэг эрхилэгшэдэй суг ажаллаһанайхи иимэ юумэн бүтэбэ гээшэ. Тус эмхи байгуулхын, тусхай байшан барихын тула 3 жэлэй туршада ажал ябуулагдаа. Тэрэ «Южное» гэһэн хүүрэй дэргэдэ оршоно, хажуудань хүнэй һэеэһээ үлэһэн үнэһэ хадаглаха колумбарий, хахасалгын 2 таһалга түхеэрэгдэнхэй. Иимэ крематори Красноярск хотоһоо Хабаровск хүрэтэр нэмжыһэн дайдада гансахан болоно.

- Буряадууд урда сагһаа хойшо нүгшэһэн хүнэйнгөө бэе хайлуулдаг байгаа. Тиимэһээ шэнэ юумэн үгы даа. Урданайнгаал заншал һэргээбэбди гэхэ байнаб. Үшөө тиихэдэ талада «гээгдээ» гэжэ хэлээд һэе орхидог заншал байгаа. Газар эзэлжэ байһанаа, хии тооһон болоод дүүрээшэнь дээрэ, - гэжэ «Алтан сэргэ» нэгэдэлэй гэшүүн, удаган Лариса Халхарова өөрынгөө һанамжаараа хубаалдана.

Үнэхөөрөөшье, Улаан-Үдэдэ мүн ондоошье хотонуудта шэнэ хүүр түхеэрхэ газарнууд үгы гэжэ хэлсэдэг. Нойтон хара газарта нойрсожо байнхаар үнэхөөрөөшье үнэһэн тооһон болоод дэгдэһэниинь дээрэ бэшэ гү? Хүндэтэ уншагшад та юун гэжэ һананат?