​Дүрэ буляалдалгын барилдаагаар бүхэроссиин мүрысөөн Улаан-Үдэдэ үнгэргэгдэхэ

Байгша оной ноябриин 3-һаа 5 болотор Буряадай ниислэл хотодо Ородой спортын габьяата мастер, Европын чемпион Олег Алексеевэй дурасхаалда зорюулагдаһан эрэшүүлэй дунда бүхэроссиин хоёрдохи мүрысөөн үнгэргэгдэхэ. Улаан-Үдын ФСК-да мүрысөөн эсхидхэгдэхэ.

18 болон тэрэнһээ дээшэ наһатай эрэшүүл 57 кг, 61 кг, 65 кг, 70 кг, 74 кг, 79 кг, 86 кг, 92 кг, 97 кг, 125 кг шэгнүүртэ хаба шадалаа туршаха. Нээлгын баяр ёһолол ноябриин 4-дэ 16:00 сагта эмхидхэгдэхэ юм. Түгэсхэлэй шатын мүрысөөн болон шагналга ноябриин 5-да үдэрэй 13 сагһаа үнгэрхэ юм.

Шэгнүүр бүхэндэ илагшадта медааль болон дипломууд барюулагдаха.