Шэнэ жэлэй шэди

Хасуури дээрэ үлгэгдэһэн нэгэ хэды саарһан гоёолтонуудай гурбыень Владимир Путин шэлэн абаа юм. Нэгэн соонь Буряадай эдир хүбүүнэй хүсэл бэшэгдэһэн байба. Осор Аюшеев түймэр сарагшын хубсаһа үмдэжэ үзэхэ дураяа мэдүүлээ. Гадна Москвагай можодо ажаһуудаг 14 наһатай Марк Кобленев гитаратай болохо гэжэ үнинэй хүсэдэг һэн. Ставропольско хизаарай 13 наһатай Татьяна Троценко Санкт-Петербургын Мариинскэ театрай «Лебединое озеро» балет хаража үзэхэ хүсэлтэй байба. Россиин Юрэнхылэгшэ Владимир Путин гурбан үхибүүдэй Шэнэ жэлэй һанал хүсэлыень бэелүүлбэ гээшэ. Владимир Путин «Ёлка желаний» гэһэн хэмжээ ябуулгада жэл бүри хабаададаг заншалтай. Тиин 2020 оной декабрь һарада панда баабгай тэбэрижэ үзэхэеэ һанаһан Саша хүбүүнэй хүсэлыень дүүргээ һэн.