558
Дамба Зодбич 16 жэлэй туршада уласай Соёлой яаманиие хүтэлбэрилөө, олондо мэдээжэ ниитын ажаябуулагша байгаа. Талаан бэлигтэй ирагуу найрагшын бүтээлнүүд 40 гаран согсолбори боложо үлэнхэй.
Үнгэрэгшэ 2020 ондо энэ фестиваль эмхидхэгдэхэ түсэбтэй һэн, теэд мэдээжэ шалтагаанаар хойшолуулагдаһан байна. Тус хэмжээ ябуулга Уласай коррекционно һургуулинуудта һурадаг эрэмдэг үхибүүдэй хоорондо үнгэргэгдэдэг юм. Фестивальда хабаадагшадые Буряад Уласай болбосоролой болон эрдэм ухаанай сайдай орлогшо Валерий Поздняков, Буряад Уласай соёлой габьяата хүдэлмэрилэгшэ, Дамба Жалсараевай басаган Рада Жалсараева гэгшэд амаршалжа, амжалта хүсэһэн байха юм.
7 хоногой туршада 10 гаран һургуулиин буулгабаринууд фестивалиин хаягаар ерээ. Үхибүүдэй гүйсэдхэһэн дуунууд, шүлэгүүд, композицинууд удха шанартай, буряад арадай гоё хубсаһануудаар, үндэһэтэнэй хэрэгсэлнүүдээр, хүгжэмөөр, ёохор хатараар болон бусад аргануудаар шэмэглэгдээ. Дүнгүүд 9 янзада согсологдоо, харин фестивалиин гол шан-Гран-при Улаан-Үдын коррекционно 3-дахи һургуулиин үхибүүдтэ барюулагдаа. Литературно-хүгжэмтэ композицинуудай 2-дохи фестиваль ямаршье үхибүүн шадабаритай, талаан бэлигтэй гэжэ гэршэлбэ гээшэ. “Онсо” үхибүүдые һургажа байһан багшанарай оролдолго сэгнэшэгүй.
Фото: 3-хи коррекционно һургуулиин гэрэл зураг
