Үнэтэ бэлэг - «Үнэн» сонин

Үндэһэн хэлэн дээрээ хэблэгдэдэг “Буряад үнэн” сонин долоон хоног бүхэндөө сэдьхэлэй тэжээл болгон, аха захатамнай абажа уншадаг гээшэ. Тэрэ заншалыень хүндэлэн, үри хүүгэдынь үнэтэ бэлэг болгон, уһан бар жэлдэ уншаха сонин захиит! Сбербанк-онлайн аргаар захил хэжэ болоно. Шуудан (почта) руугаашье хандахаар. Сагаан һарын үедэ Буряадта Россиин шууданай бүхы таһагууд ажаллаха сагаа хасана – нэгэ час урид хаагдаха юм. Ехэ Сагаалнай үдэр, февралиин 2-то Улаан-Үдын түбэй таһаг (670000) үглөөнэй 10.00 үдэшын 18.00 саг болотор үдын хоолдо һаатангүйгөөр хүдэлхэ. Бусад таһагууд энэ үдэр амарна. Февралиин 3-һаа хуушанайнгаа гуримда бусана. Тодорхой мэдээ pochta.ru гэжэ сайт дээрэһээ олохоор.    

Буряад Уласай федеральна шууданай хэлхеэ холбооной хүтэлбэриин мэдэлдэ 7 почтамт, автобааза болон МСЦ ородог. Уласай дэбисхэр дээрэ 291 таһагууд – 57 хотын, 193 – хүдөөгэй, 31- ябаган, 10 – хэлхеэ холбооной пункт тоологдоно. 89 599 километр хэмжээндэ 414 шэглэлээр 143 авто-унаанууд ябана. Аяар 2 300 ажалшадтай эгээл томо байгуулгануудай нэгэн юм.

 

«Буряад үнэн» мэдээсэлэй албан