Банкын картаар -10 сая дахин

Хотын ниитын унаада картаар түлэхэ арга боломжо 2017 ондо нэбтэрүүлэгдэһэн байна. Трамвай соо кондукторнуудта тусхай аппарат бии. Мүн тиихэдэ 44, 59, 29, 3, 100, 23, 82, 55-дахи, болон хотын хажуудахи нютагуудаар ябадаг 348, 155, 110-дахи ниитын автобусуудта картаар түлбэри хэжэ эхилбэ.

- Ниитын унаагаар ябахадаа, 2 хүнэй нэгэниинь картаар түлбэри хэнэ. Дунда зэргээр нэгэ үдэр соо 24,5 мянга дахин зон иишэ тиишээ унаагаар ябана. Юундэ карта ехээр хэрэглэдэг болооб гэхэдэ, тон түрүүн ехэ түргэн, картаяа няагаад лэ, дүүрээ, - гэжэ Буряадай Сбербанкын таһагай ударидагша Денис Лепчугов хубаалдаа.

Хотын ажаһуугшад ямаршье банкын картаар түлбэриеэ хэхэ аргатай. Мүнөөнэй вирусэй зайжа байгаа сагта тэрэ далан долоо дахин бажуулгаһан мүнгэ гартаа барингүй байбал, дээрэ. Бултанда мэдээжэ - нэгэ саарһан мүнгэн дээрэ хэдэн олон микробууд байдаг ха юм.