Сэнгүүд хиналта доро

Тэрээн дотороо эдеэ хоолой болон эд бараанай сэнгүүдэй үдэр бүри нэмэжэ байһан ушар зураглаба.

• Салингыемнай нэмэнэ бэшэ. Урдамнай үшөө ямар юумэнэй хүлеэжэ байһые мэдэнэгүйбди. Дэлгүүртэ сэн гээшэ ургажал байна. Наһатай зониие болон олон хүүгэдтэй эжынэрые хайрлыт! Ажаһуугшадайнгаа тала бариит! Буряадаймнай худалдаа наймаанай түбүүд эдеэ холой үнэ сэн бү бодхоог лэ даа, – гэжэ гомдоһон эхэнэр хандана.

Мүнөө үедэ үнэ сэнгүүдэй талаар байдалай ямар байһан тухай Буряад Уласай үйлэдбэриин болон худалдаа наймаанай талаар сайдай уялгануудые саг зуура дүүргэжэ байһан Алексей Оловянников иигэжэ хэлэнэ:

Эдеэ хоолой нөөсэ болон тэдэнэй сэн тухай асуудалнуудые үйлэдбэриин болон худалдаа наймаанай яаман онсо адаглажа байна. Тиимэ хүлгөөтэй юумэн үгы, һанаа зобоһоной хэрэг үгы.

Үнгэрэгшэ долооной эсэстэ Алексей Цыденов худалдаа наймаанай түбүүдэй түлөөлэгшэдтэй уулзажа, суглаа хэһэн юм. Оршон сагые һамбаашалан, эд бараанай сэн бү нэмээгыт гэжэ тэдэнэртэ уласай толгойлогшо хэлэһэн байна.

Үлүү ехээр сэн нэмэгдэнэ гэжэ анхараа болбол  Буряад Уласай үйлэдбэриин болон худалдаа наймаанай талаар яаманда иимэ утаһаар 8 (3012) 44-40-48 хандахада болоно.