Газай сэн доошолно

- Январиин хуушаар газай сэн 34,9 түхэригтэ байһан һаа, мүнөө 30 түхэригһөө доошо ороод байна. Гэхэтэй  хамта бэшэ эд бараанай сэнгүүд дээшэлнэ гэһэн гомдолнууд олоор ороно. Онсолходо, авто-унаагай хэрэгсэлнүүд, машинануудые тоһодохо  зүйлнүүд. Энэ талаар бидэ шалгалта үнгэргөөбди. Үнэхөөрөөшье, эдэ зүйлнүүдые Буряадта асарагшад сэнгээ дэн ехээр нэмэһэн байна, - гэжэ Виктор Грибко хөөрөө.

Тиихэдэ  авто-унаануудай   хэрэгсэлнүүдые худалдадаг хэдэн эмхинүүд сэнгүүдэй ургалтые тогтоожо, ехээр худалдан абалгые зогсоохые оролдоно гэжэ шалгалтын албанай хүтэлбэрилэгшэ хөөрөө.