423
- Мүнөөдэр харуулагдаһан шэнжэлэлгын түлэбүүд ганса эрдэмэй удха шанартай бэшэ. Тэдэ республикымнай шухала асуудалнуудые шиидхэхэдэ хэрэгтэй болохо. Эрдэм шэнжэлэлгэнүүдые лабораторинууд соогоо хэбтүүлэнгүй, бодото ажабайдалда хэрэглэхэ гээшэ тон шухала, - гэжэ Буряадай Засагай газарай Түрүүлэгшын орлогшо Вячеслав Цыбикжапов тэмдэглээ.
Зүүн Сибириин гүрэнэй ехэ һургуулида үнэһэн болон нүүрһэнэй бурма хэрэглэхэ арганууд шэнжэлэгдэнэ. Эдэ үлэгдэлнүүдые урагшатай хэрэглэхээр гэжэ үрэ дүнгүүд гэршэлээ.
- Үлэгдэл болоһон үнэһэн болон нүүрһэнэй бурма бүхы нормативна эрилтэнүүдтэ тааруулагдаа. Минеральна холисонуудтай, пуццоланова болон тон наряар жэжэлүүлэгдэһэн олон бүридхэлтэй цемент бүтээлгэдэ хэрэглэбэл, цементын гаргашые 80 хубяар доошолуулха, - гэжэ Зүүн Сибириин гүрэнэй ехэ һургуулиин кафедрые даагша Лариса Урханова мэдээсээ.
Тэрээнһээ гадна газарай нюруу бэхижүүлгэдэ, харгынуудай хушалтын доро дэлгэхэ холисонуудта хэрэглэжэ болохо, мүн түмэр-бетон бүтээлгэдэ ашагтайгаар хэрэглэхээр. Эрдэмтэдэй шэнжэлэлгэнүүдэй үрэ дүнгөөр үнэһэ, нүүрһэнэй бурма харгы заһабарилгада, барилгада бодото дээрэнь хэрэглэхые зохилдуулха даабари энэ шэглэлээр хүдэлдэг яамануудта үгтөө.
Автор: Сэнгэ РИНЧИНОВ
Фото: Буряад Уласай засагай сайтһаа
