Ойхон ольтирог дүтэ болобо

Ерэхэ һарын 1-һээ августын 31 болотор иимэ түсэл «Аврора» гэһэн авиакомпаниин хүсөөр бэелүүлэгдэхэ.

-Улаан-Үдэ-Хужир гэһэн шэглэлээр ниидэхэ агаарай онгосодо биледүүд худалдагдажа эхилээ, - гэжэ «Байкал» гэһэн уласхоорондын аэропортын директор Дмитрий Гармаев дуулгана.

Агаарай онгосо Ойхон хүрэтэр оройдоо 40 минутын туршада ниидэхэ. Түрүүн хүнгэн авто-унаагаар бүхэли үдэрөө харгыда үнгэргэдэг һаа,  мүнөө иимэ гоё арга олгогдобо.  Самолёдто һууха биледэй сэн 1035 түхэригтэ болоно. Байгал далай тойрожо, Эрхүү можоор ошоходо, яһала гарзатай һэн. Энээн тухай дүүрэн мэдээсэл «Аврора» авиакомпаниин тусхай сайт дээрэ танилсахада болоно.