Александр Шолохов Хамба лама Дамба Аюшеевые бараалхаба

Хамба лама айлшаниие хүндэтэйдэ хүлеэн абаха үедөө заншалта ёһоороо шог зугаашье табяа. Мүн Александр Михайловичай хүгшэн аба, агууехэ совет уран зохёолшо Михаил Шолоховой номуудые уншаха дуратай байһан тухайгаа мэдүүлээ.    

Харин Александр Шолохов хадаа Музейнүүдэй уласхоорондын зүблэлэй Оросой үндэһэтэнэй хорооной юрэнхылэгшэ, гүрэнэй ба олониитын ажал ябуулагша, VII зарлалай Гүрэнэй Дүүмын һунгамал юм. 2012 онһоо мүнөө болотор Оросой Холбоото Уласай Юрэнхылэгшын дэргэдэхи Зүблэлдэ хүдэлнэ.

Оросой буддын шажантанай тэргүүн ламые бараалхаха гэжэ Буряад орон руу  үндэр айлшад саг үргэлжэ ябажа байдаг гэжэ тэмдэглэе.