Юрэнхылэгшын даабаряар

Энэ программын ашаар 40 мянган зон гэр байрынгаа асуудал мүнөө шиидхээд байна. 2 проценттэй урьһаламжа абажа, гэр бариха, үгы гэбэл,  бэлэн болбосон түхэлтэй гэр худалдан абаха арга багшанарта ба эмшэдтэ олгогдобо.  Шухала эрилтэ гэхэдэ,  иимэ мэргэжэлтэй зон Алас Дурнада таһалгаряагүй 5 жэл соо ажаллаһан байха ёһотой. Тэдэнэй наһанай хэмжүүр урьһаламжа абахадань тоологдохогүй.

Магаданай можын болон Чукоткын автономито тойрогой ажаһуугшад шэнэ бэшэ,  харин үнинэй баригдаһан гэрнүүдые худалдан абаха аргатай болоо. Энэ хэрэгтэ 40 млрд  түхэриг хараалагданхай.

-Хүн бүхэндэ гэр байраяа һайжаруулха арга боломжонууд  байха ёһотой. Тиимэһээ гүрэнэй туһаламжаар, Юрэнхылэгшын захиралтаар Алас Дурнада ажаһуудаг зоной байдал һайжаруулха - манай гол зорилго, – гээд, Россиин Засагай газарай Түрүүлэгшэ Михаил Мишустин өөрынгөө социальна хуудаһан дээрээ бэшэһэн байна.