Тоонто нютагайм сууряан

Мухар-Шэбэрэй айма­гай дэбисхэр дээрэ ор­шодог бүхы буряад нютаг hууринуудhаа бүхыдѳѳ 60 гаран мэдүүлгэ эмхидхэлэй хороон руу орожо, 300-гаад хабаадагшад байгаа. Буряад арадай болон эстрадын дуу гүйсэдхэлгѳѳр, ёохор наада­ар урилдаанууд болоо. Yшѳѳ тиихэдэ буряад хубсаhа оёдог уран гартан хаба ша­далаа туршалсаа. Тэдэнэй бүтээлнүүд олоной үзэмжэдэ дурадхагдаашье гээд, Һутайн сомон дарга Андрей Зурба­нов дуулгана.

Олоной оролдолгоор

Нарһата нютагай эдэб­хитэдтэй хамта сомон дарга Зурбанов һара урид бэлдэл­гын хэмжээ ябуулгануудые эхилһэн байна. Амарлин дасанай дэргэдэ барил­га эрхилжэ, тайзан болон һандалинуудые байгуулаа. Геннадий Дабаев, Батор Гомбоев, Бэлигто Цыбикдор­жиев, Зоригто Бальжинима­ев гэгшэд өөрынгөө һайн дураар барилга ябуулаа. Хожомынь бүри олон зон хамһалсаа. Долоон хоно­гой үлөөд байхада, һүниин тэн болотор бэлдэлгэ үргэлжэлөө.

«Нарһата һууринда анха түрүүшынхиеэ үргэн дэлисэ­тэй хэмжээ ябуулга үнгэрбэ. Иимэ хэмжээндэ болохо гэжэ айлшад бодоогүй ябаа. Гайхаашье», - гээд, нютагай бэлигтэй басаган, РЦНТ-гэй таһагые даагша Дарима Да­шиева онсолон тэмдэглэнэ.

Заншалта болохо гү?

Нютагаархидай хэһэн ажал саашадаа хэрэглэм­жэтэй байха. Нэгэ дахин эмхидхэгдээд дүүрэшэхэгүй гээд, эмхидхэлэй хороон найдуулна. Энэ фестивальда оролсоһон үндэр тушаал­тан заатагүй туһалхабди, дэмжэхэбди гэжэ үгэ үгэһэн байна. Мухар-Шэбэрэй засаг дарга Владимир Молчанов, Һунгамалнуудай зүблэлые толгойлогшо Баир Даши­бальжиров, Буряад Уласай Арадай Хуралай хорооной түрүүлэгшэ Дмитрий Шве­цов, «Ниитэ нэгэн Росси» партиин Мухар-Шэбэрэй таһагые толгойлогшо Оль­га Симухина, аймагай за­хиргаанай соёлой таһагые толгойлогшо Маргарита Гороховская, Түгнын шулуун нүүрһэнэй уурхайн захира­лай туһалагша Роман Кон­стантинов болон бусад энэ фестивалиие ехэ үндэрөөр сэгнээ.

Дүнгүүд

Ёохор нааданда Галтайн “Жаргал” ансамбль түрүүлээ. Нарһатын “Туяа” болон Хүсөөтын “Сагаан-Шулуутай” гэжэ хатарай бүлгэмүүд хо­ёрдохи һуури хубаажа абаа. Гурбадахи һуурида Хүсөөтын “Залуушуул” гараа.

Эстрадна дуу гүйсэдхэл- гөөр урилдаанда 7-12 наһанай үхибүүдэй бүлэгтэ Нарһата нютагай Арина Цыденова Номина Батуева хоёр түрүүлээ. 13-17 наһанай дуушадай бүлэгтэ Түгнын Данил Херсун илалта туй­лаа. 18-40 наһанай бүлэгтэ Суулгын Юлия Болдохонова, Хүсөөтын Арюна Бимбаева шалгараа. 41 наһанһаа дээ­шэ бүлэгтэ Галтайн Галина Бадмаева, Түгнын Оюна Па­ламдоржиева, Боомой “То­онто” бүлгэм шалгараа.

Арадай дуу гүйсэд- хэлгөөр 18-40 наһанай бүлэгтэ Нарһатын соё- лой байшангай дуушадые хүсэхэ хүнүүд байгаагүй. 41 наһанһаа дээшэ дуушадай бүлэгтэ Бата-Мүнко Гончи­ков түрүүлээ. 2-дохи һуурида Галтайн Галина Бадмаева, 3-дахида – Боомой “Тоонто” бүлгэм гараа.

Түгэсхэлэй үгэ

Амарлин дасанай шэрэ­этэ Баясхалан лама Баль­жинимаев олониитын ехэ хэрэг ябуулна. Дасанайнгаа дэргэдэ үргэлжэ хэмжээ ябуулгануудые эмхидхэһээр. Үндэһэн соёлоо үргэһэн энэ фестивальшье Баясхалан ламын аша оролдолгоор үнгэрөө. Урагшаа һанаатай, гүн ухаатай, олондо туһатай амбайдаа баярые хүргэхэ байнаб. Баясхалан ламын жэшээгээр эдэбхитэй бэрхэ хүбүүд Нарһата нютагһаа урган гараһаар. Новоси­бирск хотодо буряадуудай эблэлые ударидажа ябаһан шуран бэрхэ Энхэ Эрдыне­ев энэ фестивальда мүн лэ өөрынгөө хубита оруулаа.