806
«Чингис хаанай юртэмсэ ба монгол шудалалга» гэһэн эрдэм шэнжэлгын хуралдаанда арба гаран гүрэнэй, тэрэ тоодо Оросой Эрдэмэй академиин Сибириин таһагай Монгол, буддын шажан ба түбэд шудалалгын хүреэлэнгэй эрдэмтэд эдэбхитэй хабаадалсаа.
Тус хуралдаанай нээлтын баяр ёһолол дээрэ Монгол Уласай Юрэнхылэгшэ У.Хүрэлсүх үгэ хэлэхэдээ, Чингис хаан шудалалгын олон уласай холбоо байгуулха дурадхал оруулһан байна.
Гадна Монголой түүхэ шэнжэлгэдэ горитой хубита оруулһан монголшо эрдэмтэдые хүндэлэн ёһолхо арга хэмжээн эмхидхэгдээ. Тиигэжэ «Алтан гадаһан» одонгоор түүхын эрдэмэй доктор, профессор Цымжит Пурбуевна Ванчикова шагнагдаба.
Харин тус хуралдаанай дүнгөөр байгуулагдаһан Чингис хаан шудалалгын уласхоорондын холбооной юрэнхылэгшөөр Оросой Эрдэмэй академиин академик Н.Н. Крадин томилогдобо.
Фото: imbt.ru
