Урьһаламжа

Иимэ урьһаламжа абаха арга ябан ошон үргэдхэгдэбэ. Мүнөө энэл хэлсээгээр эмшэд, багшанар, гүрэнэй болон нютагай байгууламжын эмхидэ хүдэлһэн зон ипотекэ абаха шадалтай болобо. Гэхэтэй хамта банк бүхэн өөрын эрилтэ табина гэжэ хэлэлтэй. Зарим банкын эрилтээр  Буряад Уласай һургуулинуудта хүдэлдэг номой сангай мэргэжэлтэд тус урьһаламжа абаха аргатай юм байна. Мүнгэнэй жэлэй эрьесэ мүн лэ өөһэдөө банкнууд тодорхойлно. Жэшээнь, нэгэ банк 0,01 проценттэй ипотекэ багшанарта үгэжэ эхилээ.

Алас Дурнын ипотекэ абаха гэбэл, иимэ банкнуудта хандагты: Сбербанк, ВТБ, АТБ, Газпромбанк, Россельхозбанк, Промсвязьбанк, Росбанк, Дальневосточный банк, ФК «Открытие», КБ «Восточный», Совкомбанк, Алмазэргиэнбанк, Банк «Долинск».

Тус түсэлдэ өөһэдын гэртэй багшанар хабаадаха аргатай. Мүн тиихэдэ “эхын капитал” түрүүшын түлбэри болгожо оруулхада болоно. Урьһаламжын хэмжээн 6 сая мүнгэнһөө дээшэ үгтэхэгүй. Тус түсэл Алас Дурнын тойрог дотор 2024 оной декабриин 31 болотор хүдэлхэ юм байна.