692
Урилдаанда хабаадагшад 155 метр үндэртэй 41-дэхи дабхарта дамжуураар гараха ёһотой байгаа. Шанга гэгшын тулалдаанда Буряадаймнай абарагшад (Дмитpий Лyцeнкo, Bлaдиcлaв Aлeкceeв, Пaвeл Ивaнoв, Aлeкcaндp Cпиpидoнoв, Aлeкceй Cyтypин) эгээл эрхим дүн харуулжа түрүүлбэ. Тиихэ мүртөө 7 секундын туршада дээшээ гаража, түрүүн табигдаһан рекорд сохибо.
-Амаргүй хүндэ урилдаан болоо, бэрхэ, бэлэдхэл һайтай мэргэжэлтэд хабаадаа. Хоёрдохи жэлээ түрүүшын һуури эзэлһэндээ, өөһэдөөшье гайхажа байнабди, - гэжэ урилдаанда шалгарһан Дмитрий Луценко хэлэнэ.
Хубиин урилдаанда ПСЧ-2 таһагта хүдэлдэг түймэр сарагша Александр Спиридонов олон дабхартай гэрэй үндэртэ 6 минута 9 секундын туршада гарахадаа, бусадһаа булюу байба. Тиихэдэ 6 минута 37 секундын забһарта дээшээ абиржа шадаһан Дмитрий Луценко 2-дохи һуурида гараба.
Онсо байдалай Буряадай албанай 3 мэргэжэлтэд тус урилдаанай дүнгөөр Алас Дурнын суглуулагдамал командын бүридэлдэ абтаа. Тиигэжэ тэдэнэр Санкт-Петербург хотодо үнгэргэгдэхэ Бүхэроссиин тэмсээндэ хабаадаха эрхэдэ хүртэбэ.
Автор: Булат БАДМАЕВ
Фото: Булат Бадмаевай дурадхаһан гэрэл зураг
