Хүсэмнай нэгэдэхэдээ...

«Өөһэдын эрхим хүтэлбэри» гэһэн урилдаанай шангай жасада ороһон мүнгэн тиишээ шэглүүлэгдэхэ болобо. Иимэ үүсхэл Бэшүүрэй болон Загарайн аймагуудай ТОС-уудай гэшүүд гаргаһан байна.

-Буряад Уласай бүхы ТОС-уудай гэшүүдэй хабаадалгатай суглаан дээрэ  иимэ шиидхэбэри абтаа. Эрхимүүдые урмашуулха шагналай  мүнгэн сэрэгшэдтэ туһаламжа болон эльгээгдэхэнь, - гэжэ Засагай газарай нютагай хүгжэлтын хорооной түрүүлэгшын орлогшо Олег Бадлуев дуулгана. Суглаанда хабаадаһан ТОС-уудай гэшүүдэй 93,6 хубинь энэ үүсхэл дэмжэжэ, зүбшөөлөө үгэһэн байха юм.

Буряад Уласай  ТОС-ууд  гүрэн дотороо яһала урагшатай ажаллана, бусадта жэшээ болоно. Хамтын ажалай дүн элеэр харагдадаг, тиимэһээ булта нэгэдэжэ, ажабайдалаа хүнгэдхэжэ, эб нэгэн хүдэлхэмнай болтогой!