852
Үбэр Байгалай хизаарай, Эрхүү можын болон Буряад Уласай буряад хэлэнэй хүндүүлхэй асуудалнууд бодхоогдожо, хурдан гүйдэлтэй хэсүү сагта яагаад түрэлхи хэлэеэ аршалан хамгаалхаб гэһэн асуудалда харюу оюутад бэдэрхэ юм. Тиигэхын тулада һуража байгаа дээдэ һургуулинуудтаа буряад хэлэ мэдэгшэд хэдыб гэһэн мүрдэлгэ оюутад багшанартаяа хамта хэһэн байна. Жэшээлхэдэ, В. Филипповэй нэрэмжэтэ Хүдөө ажахын академиин оюутадай 38 хубинь, багшанарай 54 хубинь түрэлхи хэлэеэ мэдэнэ гэжэ анкетированиин аргаар элирүүлээбди гээд, БГСХА-гай багшын эрдэмэй кандидат, доцент, «Хари болон ород хэлэнүүдэй» кафедрые даагша Сэсэг Гармаева дуулгаба. Энэ хуралдаанда зорюулжа, оюутадтаяа хамта тусхай түсэл бэлдээбди гэжэ мэдээсэбэ.
Энэ хуралдаанай хэмжээн соо “Буряад хэлэнэй хүгжэлтэдэ минии хэхээр хубита” гэжэ түхэреэн шэрээ, түсэлнүүдэй урилдаан болохоор түсэблэгдэнэ. Дүнгүүдээрнь тусхай суглуулбари хэблүүлэгдэхэ юм. БГУ-гай Зүүн зүгэй дээдын һургуулиин буряад хэлэнэй болон зааха онол аргын тэнхим энэ хуралдаа эмхидхэнэ.
«Буряад үнэн» мэдээсэлэй албан
Фото: БГУ-гай сайтһаа
