837
Буряадай гүрэнэй университедэй эмнэлгын түбтэ зүүн зүгэй эмнэлгээр эрдэм мэдэсэеэ дээшэлүүлхэ хүсэлтэй аргашад сугларжа, «рефлексотерапевт» гэhэн мэргэжэлээр аргалдаг эрхэтэй болохын тула тусхай шалгалта тушааhан байна.
Бүхы Сибириин ба Алас Дурнын регионууд сооhоо гансал Улаан -Yдэ хотодо зүүн зүгэй арадуудай эмнэлгын hалбари бии гэжэ тэмдэглэгдэнэ.
Эмшэдэй мэргэжэлээрээ хубаалдаха хэмжээ ябуулга Улаан-Үдын Түбэд эмнэлгын түбтэ эмхидхэгдээ. Аккредитаци гарахын хэрэгтэ хэрэглэгдэhэн хоёр манекенэй нэгэниинь Япон гүрэнhөө асарагдаhан, Азиин хүнэй нюур шарайтай, түhөө шэнжэтэй.
Мүнөө сагта Буряад Уласта 200 гаран зүүн зүгэй эмнэлгын мэргэжэлтэд хүдэлнэ. Тэдэнэй тоо жэлhээ жэлдэ олошорно. Ондоо можо хизаарнуудһаа эмшэд ерэжэ, эндэ hуралсал гарадаг болонхой.
Автор: Баярма БАТОРОВА
