Эгээл томо дасан

- Буддын шажан барим­талдаг һүзэгтэн Сагаан һарын түрүүшын үдэр Кы­зыл хотодо сугларжа, түүхэтэ энэ хэрэгтэ хабаадаха юм. Үргэн ехэ ороноймнай нютаг можонуудһаа болон Монгол оронһоо жиндагууд хүрэжэ ерэхэ гэжэ хүлеэгдэнэ, - гэжэ Кужугет Шойгугай нэрэмжэтэ жасын түлөөлэгшэд дуулгана.

1992 ондо XIV-дүгээр Да­лай ламын Тыва Улас морил­ходонь, Кызыл хотодо томо дасан бариха тухай шиидхэ­бэри абтаһан юм. Харин үнэн барилгань 2014 ондо эхилжэ, мүнөө жэл дүүргэгдэбэ. Да­санай нээлгын баяр ёһолол үндэр хэмжээндэ үнгэргэхын тула уласай Толгойлогшо Владислав Ховалыг түрүүтэй эмхидхэлэй хороон байгуу­лаад, ажалаа ябуулжа байна. Тус барилга Кужугет Шойгу­гай нэрэмжэтэ жасын мүнгэн туһаламжаар ябуулагдаа.

- Түүхэтэ үйлэ хэрэгтэ хабаадалсахаяа 300 гаран айлшадые, тэдэнэй тоодо Буряад, Хальмаг, Алтай, Ха­кас Уласуудай толгойлогшо­норые хүлеэнэбди. Монгол оронһоо Хамба ламанар хүрэжэ ерэхэ юм, - гэжэ жа­сын мэргэжэлтэн Антон Тар­ханов хэлэнэ.

Кызыл хотодо баригдаһан дасанай үндэрынь 56 метр (12 дабхартай сасуулмаар), Түбэд орондо оршодог Далай ла­мын ордонтой адлишаахаар.