690
- Энэмнай сошордомо үзэгдэл боложо байна. Түсэлэй ёһоор нэгэн, харин үнэн дээрэ гажа буруу барилга хэгдэжэ байна, - гэжэ тиихэдэ Улаан-Үдын мэр Игорь Шутенков олондо дуулгаа һэн.
Тэрэ гэһээр балай ондоо болоһон юумэн үгы гэжэ засаг баригшад, ажаһуугшадшье хаража, мэдэжэ байна. Энэ ушар усадхаха талаар ажал ябуулха тухай Арадай Хуралай һунгамал Баир Цыренов оруулба.
- Оршон тойронхидуулай һанаанда таараагүй энэ барилга нэгэ арга оложо тааруулха ёһотойбди. Илангаяа энэ жэлдэ Буряад Уласайнгаа 100 жэлэй ойн баяр угтахаяа байнабди. Үгы һаань, үндэһөөрнь усадхаха хэрэгтэй. Сочи болон бусадшье хотонуудта иимэ барилгануудые задалжа хаяһан ушарнуудые мэдэнэб, - гэжэ КПРФ-эй түлөөлэгшэ Баир Цыренов хандаба.
Госстройжилнадзор өөрынгөө талаһаа шалгалта ябуулхадаа, барилга түсэбэй ёһоор хэгдэжэ байна гэжэ шиидхэбэри гаргаһан юм.
Үнэхөөрөөшье, Улаан-Үдын түбтэ дээрэ дээрээ гэхээр шахуу дэлгүүрнүүд, нааданай газарнууд. Мүнөө болоходо, хахадынь шахуу хооһон. Үшөө нэгэ дэлгүүр барижа байнхаар, хүн зондо аша туһатай сэсэрлиг бариха хэрэгтэйл даа.
Фото: maps.google.com
