Олоной түлөө оролдоһоор

 Хабарай дулаахан нэгэ үдэр Сагаан-Нуурта ажа­ябуулгаяа эрхилдэг “Түгнын шулуу нүүрһэнэй уурхайн” захирал Александр Каинов айлшаар буугаа. Тус эмхи улас соогоо социальна удха­тай түсэлнүүдые али боло­хоор дэмжэжэ, горитой туһа­ламжа үзүүлдэг юм. “Амар­лин” дасанай барилгадашье туһалаа.

Энэ дасанай шэрээтэ Ба­ясхалан амбай эдэбхи үүс хэл ехэтэй, нютаг ороноо хүгжөөхэ гэжэ оролдожол ябадаг. Һаяхана тэрэ Рос­сиин ниислэл Москва хото албанайнгаа хэрэгээр ошо­жо, хэдэн уулзалгануудта хабаадаа. Ургажа ябаа үетэ­ниие һайхан һанаатайгаар хүмүүжүүлхэ зорилготой “Россиин түүхэ домогууд” гэһэн проекттэй танилсалга болоо. Тус проект туршал­гын гуримаар Самарска, Новосибирскэ можонуудта, Башкортостан, Алтай, Буряад Уласуудта бэелүүлэгдэхэ. “Энэмнай ехэ һайн түсэл бо­лоно. Арад бүхэн өөрын баатартай. Манай буряад арад домог суута “Абай Гэсэр” үль­гэртэйбди. Үхибүүднай иимэ алдар суута геройнуудай жэшээгээр томо болохо ёһо­той”, - гээд, Баясхалан амбай тэмдэглэнэ.