Үндэр дүнгүүд

9-дэхи класс 286 үхибүүн, 11-дэхи класс 116 хүн дүүргэжэ байнхай. Ай­магта зохёогдоһон хоёр газарта тэдэ шалгалтаяа тушаана.

- Үнгэрһэн һуралсалай жэлдэ яһала үрэ дүнтэйгөөр багшанарнай хүдэлжэ гараа. Эрхимээр һураһанай түлөө медаль абаха аргатай үхибүүд­най олошороо. Энэ хадаа багшана­рай ажалай дүн болоно ха юм. Эрдэм һуралсалай һалбариин мэргэжэлтэ урилдаануудта олон багшанарнай хабаадажа, уласай хэмжээндэ шалга­раа. Мүн өөһэдөө бэлиг талаан ехэ­тэй үхибүүдээр Түнхэмнай баян. Ню­таг нугаяа холо ойгуур эрхим һураг­шаднай суурхуулаа, бэеэ харуулжа шадаа, - гэжэ аймагай эрдэм һурал­салай таһагай хүтэлбэрилэгшын уял­гануудые дүүргэгшэ Азия Антоновна Майорова хөөрэнэ.

Багшын болон залан хүтэлэгшын жэлтэй дашарамдуулан, түрүү баг­шанараа түнхэнэйхид һаяхана хүн- дэлэн ёһолбо. “Эрхим багша”, “Түрэл хэлэнэй эрхим багша”, “Жэлэй эрхим хүмүүжүүлэгшэ”, “Эрхим захирал”, “Эрхим классай хүтэлбэрилэгшэ”, “Жэлэй психолог”, “Эрхим залуу баг­ша” (“Педагогический дебют”) гэһэн мэргэжэлтэ уласай урилдаануудта Түнхэнэй аймагай түлөөлэгшэд түрүү 10-ай тоодо оролсоод, дүй дүршэ­лөө бүхыгөөрөө харуулжа шадаа. Эгээл ехэ амжалта П.М.Билдаевай нэрэмжэтэ Аршаанай дунда һургуу­лиин эхин классай багша Заята Вла­димировна Абашеева туйлаа. “Эр­хим багша” гэһэн урилдаанда тэрэ шангай 3-дахи шатын дипломоор шагнагдаа. “Түрэл хэлэнэй эрхим баг­ша” гэһэн урилдаанда Шэмхын ин­тернат-һургуулиин буряад хэлэнэй ба уран зохёолой багша Соёлма Са­яновна Базарова 4-дэхи һуурида гараа һэн. Иимэ ехэ туйлалтануудта хүртэһэн 20 гаран эрхим багша тус­хай шангуудаар, үнэтэ бэлэгүүдээр шагнагдаа.

2022-2023 онуудай һуралсалай жэлэй эхиндэ аяар зургаан һурал­салай гуламтын үхибүүд шэнээр заһабарилагдаһан байшангууд соо һуралсалаа эхилһэн байна. Мүнөө жэлдэ ганса Мон һууринай дунда һургуули заһабарилагдахаар хараалагдана. Энэ хэрэгтэ 12 сая гаран түхэриг мүнгэн һомологдонхой.

Түнхэнэй аймагай 26 һуралсалай гуламтада зунай амаралта эхилээ. Гуламта бүхэнэй дэргэдэ байгуулаг­даһан нэгэ үдэрэй амаралгын газар­нуудта үхибүүн бүхэн сагаа дуратай­гаар үнгэргэнэ.