Хүдөө нютагууд хүгжөөгдэхэ

  Мүнгэн зөөри 2024 оной һан жа­саар хараалаатай, тиибэшье можо хизаарнуудта мүнөө эльгээгдэхэ. Мүнгэ 33 можо хизаар абаха, тэрэ тоодо Буряад орон – 1,8 млрд түхэ­риг 2023 ондо болон 450 сая түхэриг 2024 ондо абаха.

Буряад ороной ниигэмэй дүрбэн барилгада мүнгэн зөөри уридшалан үгтэхэ:

- Сэлэнгын аймагай Тохой нюта­гай хүдөөгэй соёлой байшан - 592,6 дүрбэлжэн метр талмайтай, тэрэ энэ жэлдэ ашаглалгада тушаагдаха;

- Сэлэнгын аймагай Гусиноозёрск хотын тамаралгын бассейн - 1976,5 дүрбэлжэн метр талмайтай, 2024 ондо ашаглалгада тушаагдаха;

- Зэдын аймагай Петропавловка һууринда хүүгэдэй 150 һууритай сэ­сэрлиг ерэхэ жэлдэ ашаглалгада ту­шаагдаха;

- Зэдын аймагай Сагаатай тосхон­до хүүгэдэй 50 һууритай сэсэрлиг 2024 ондо ашаглалгада тушаагдаха.

Эдэ барилгануудай хажуугаар уласта гүрэнэй «Хүдөө нютагуудай үргэлжэ хүгжэлтэ» түлэбөөр удаада­хи барилганууд хараалаатай:

Яруунын аймагай Нарһатада 450 һууритай һургуули, Захааминай ай­магай Дүтэлүүртэ 100 һууритай һур­гуули, энэл барилгын дэргэдэ - 50 һууритай хүүгэдэй сэсэрлиг, Му­хар-Шэбэрэй аймагай Никольск тос­хондохи Школьная гудамжаар 100 һууритай хүүгэдэй сэсэрлиг – эдэ барилганууд энэ жэлдэ ашаглалгада тушаагдаха юм. Зэдын аймагай Петропавловка һууриндахи 1-дэхи дун­да һургуулиин 562,4 дүрбэлжэн метр талмайтай тамирай танхим 2024 ондо ашаглалгада тушаагдаха.

Эдэ барилгын ажалнууд гүрэнэй «Хүдөө нютагуудай үргэлжэ хүг- жэлтэ» түлэбтэ ородог федеральна «Хүдөө нютагуудай мүнөө үеын түхэл шарай» болон «Гэр байрануудай ба­рилгын хүгжэлтэ ба гэр байрануудай болбосон түхэлэй хэмжээе дээшэ­лүүлгэ» түсэлнүүдээр ябуулагдана.