189
Улаан-Үдэ хотын Түбэй стадион дээрэ һэльбэн шэнэлэлгын ажалгууд дүүрэхэ тээшээ болобо. Ажалнууд тамир хүгжөөлгын гүрэнэй программаар ябуулагдана.
10000 харагшадые багтаадаг стадиондо тамиршадта, тамираар һонирходог зондо тааруу зохид оршон байгуулагдаха.
Мүнөө заһабарилагдана, тэрэ эрэмдэг зондо тааруулан, болбосон түхэлтэй болгогдоно. Мэдээсэлэй табло һэлгэгдээ, футбол наададаг талмайн хэмэл хушалта шэнэлэгдэнэ, гүйдэлэй зүргэнүүдэй заһабарилга эхилээ.
- Мүнөө хэгдэжэ байһан ажал тамир ба физическа культура хүгжөөхэ гүрэнэй программаар ябуулагдана. Тэрэнэй ашаар манай нютаг можодо томо мүрысөөнүүд үнгэргэгдэхэ гэжэ найданабди. Залуушуулай тамир мүн хүгжэлтэ абаха, - гэжэ Буряад Уласай Тамирай сайд Иван Козырев тэмдэглээ.
Автор: Янжима ДАРМАЕВА бэлдэбэ
Фото: Буряад Уласай Засагай газарай мэдээсэлэй албан
