498
Тамирай һалбарида дахяад үндэр амжалта туйлаха гэһэн ганса энэ зорилго эндэ сугларагшадые нэгэдүүлээ бэшэ. Харин дэлхэйн эрдэни зэндэмэни болохо алдарта Байгал далай хамгаалха гэһэн зорилго тамирта дуратайшуулые хамтаруулаа.
Амаралтын үдэр, августын 9-дэ, тамиршад урилдаанай элдэб зайда гаража, хаба шадалаа туршаа. Нэмэрэн ороһон бороошье, халууншье тамирта дуратайшуулые айлгаагүй.
- Байгалай марафоной үнгэргэгдэжэ байһан зургаан жэлэй түүхэдэ анха түрүүшынхиеэ бороо оробо. Ээлжээтэ туйлалтануудые дабахада, ехэ зохид уларил тогтоо. Уласаймнай бүхы шахуу аймагуудай тамиршад ерэнхэй, - гэжэ «Сэбэр Байгал» гэһэн марафоной эмхидхэгшэ, хүнгэн атлетикээр уласхоорондын классай Оросой спортын мастер Наталья Соломинская тэмдэглээ.
Марафон үнгэргэхэ Байгалай харгы үшөө 2022 ондо үнэмшэлгэтэй болоһон. Эндэ тамиршад спортын разрядтай болохо, Оросой туйлалтануудые шэнэлхэ аргатай юм гээд хэлэлтэй.
Тамирай болон байгаали хам- гаалгын хэмжээ ябуулгада эгээл эдир хабаадагша гурба һаратай (абатаяа коляскаар урилдаа), эгээл наһатайнь – 75- тай байгаа. Урилдаанай эгээл холын 42,2 модоной зайда 108 тамиршад гаража, 80-иинь эсэс болотор гүйлдэжэ ерээ. Тиигэжэ энэ зайда эрэшүүлэй дунда Александр Канцебура, эхэнэрнүүдэй дунда Екатерина Лукашева түрүүлээ. 21,1 модоной зайда Сергей Нечпай Анна Леонова хоёр амжалта туйлаа. 10 модоной зайда Кирилл Парфёнов, Жанна Демидова гэгшэд шангай түрүүшын һууринуудые эзэлһэн байна.
Өөрыгөө шалгажа, уласайнгаа ажаһуугшадые тамирай зүйлнүүдтэ хабаадахыень уряалжа, уласай Засагай газарай түлөөлэгшэд урилдаһан байна. Буряад Уласай элүүрые хамгаалгын сайд Евгения Лудупова - гурбан модоной зайда, тамирай болон залуушуулай бодолгын сайд Иван Козырев 10 модоной зайда урилдаанда гараа.
- Үхибүүд болон эмшэлэгдэжэ байһан хүнүүдшье, гэр бүлөөрөөшье энэ урилдаанда хабаадаһаниинь ехэ һайшаалтай, - гэжэ Евгения Лудупова хэлэһэн байна.
Хэмжээ ябуулгын үедэ Байгалай эрье сэбэрлэхэ талаар акци эмхидхэгдээ. Эндэ волонтёрнууд хоёр часай туршада 160 мэшээг бог шорой суглуулһан байна.
Алас Дурнын дэбисхэртэ тамирай эгээл томо хэмжээ ябуулгануудай байһанаа уласхоорондын VI марафон дүүрэн гэршэлээ.
«Буряад үнэн» мэдээсэлэй албан
Хэмжээ ябуулгын үедэ Байгалай
эрье сэбэрлэхэ талаар акци эмхид-
хэгдээ. Эндэ волонтёрнууд хоёр ча-
сай туршада 160 мэшээг бог шорой
суглуулһан байна.
Алас Дурнын дэбисхэртэ тамирай
эгээл томо хэмжээ ябуулгануудай
байһанаа уласхоорондын VI мара-
фон дүүрэн гэршэлээ.
«Буряад үнэн»
мэдээсэлэй албан
Фото: Денис Слепцов
