​​Барилдаан тухай тобшо мэдээн

57 килограммай шэгнүүртэ шүүгшэд амаршалга абана

Үнгэрһэн долоон хо­ногой эсэстэ Улаан- Үдэ хотодо 21 наһа хүрөөдүй тамир­шадай дунда уласхоо­рондын мүрысөөн боло­жо түгэсэбэ. Тус хэмжээ ябуулгада хабаадаһан ехэнхи тамиршад Благо­вещенск болон Хабаровск хотонуудта эмхидхэгдэһэн мүрысөөнүүдтэ хабаа­дажа, Буряадай ниис­лэл хүрэһэн байна. Эдэл үдэрнүүдтэ Будапешт хо­тодо дэлхэйн чемпионат боложо түгэсөө. Буряадай хоёр басагад тэндэ хабаадажа бирагүйдөө.

Улаан-Үдэ. 21 наһа хүрөөдүй тамиршадай улас­хоорондын мүрысөөн урда жэлнүүдтэ суута барилдаа­шан, дэлхэйн, Европын, Ази­ин, СССР-эй чемпион боло­жо шадаһан Борис Будаевай шангуудта хүртэхын түлөө байгша бэлэй. Харин мүнөө жэл ганса уласхоорондын хэмжээнэй гээд тоологдоо.

Монгол ороной, Саха-Яхад Уласай, Кемеровскэ, Эрхүү можонуудай, Крас­ноярска, Үбэр Байгалай хизаарнуудай болон Буря­адай 100 гаран тамиршад хабаадаһан байна.

Гурбан алтан медаль Монголой тамиршад абажа шадаа. Мүн хоёр алтан ме­дальда Кемеровскэ можын барилдаашад хүртөө.

Саха-Яхад Уласай урга­жа ябаа залуу барилдааша Пётр Копылов 57 кило­грамм хүрэтэр шэгнүүртэ илалта туйлаа. Пётр хадаа өөрын наһанай бүлэгтэ Ородой, Европын болон дэлхэйн чемпион юм.

92 килограммай шэгнүүртэ Эрхүү можын Юрий Иванов финальна уулзал­гын түгэсэхөө байтар, 17 секунда үлөөд байхадань, Монголой барилдаашан­да 1:3 гэһэн тоотойгоор шүүгдэжэ байһан аад, 4:3 гэһэн тоотойгоор илажа га­раа.

86 килограмм хүрэтэр шэгнүүртэ Үбэр Байгалай барилдааша Цырен Сульти­мов Монголой тамиршани­ие 18 секунда соо нюрган дээрэнь хэбтүүлжэрхёо.

Буряадай тамиршад хоёр алтан медаль абаһан бай­на. 61 килограмм хүрэтэр шэгнүүртэ Жаргал Дондо­ков Саха-Яхадай Христо­фор Потаповые шүүжэ га­раа. 65 килограмм хүрэтэр шэгнүүртэ Бэлигто Хайда­пов түрүүлһэн байна.

Бүхы дээрээ Буряадай тамиршад хоёр алтан, хоёр мүнгэн болон юһэн хүрэл медальнуудта хүртөө.

Благовещенск. СССР-эй спортын мастер Алексей Ковалёв Амарайнгаа можо­до эгээл мэдээжэ тамирша­дай нэгэн болоно. Тэрээнэй дурасхаалда зорюулагдаһан 16-дахи бүхэроссиин мүры- сөөн октябриин 13-14-дэ үнгэргэгдөө. Эндэ Буряадай тамиршад хоёр алтан, хоёр мүнгэн болон долоон хүрэл медальнуудые абажа шадаа.

Чемпионуудай нэрэ зэр­гэдэ Андрей Елбаскин бо­лон Батор Санжинимаев хүртэһэн байна. Үбэр Байга­лай хизаарай Солбон Тумэн­баяров болон Цырен Суль­тимов гэгшэд баһа нэгэдэхи һууринуудые эзэлээ.

Хабаровск. «Ерофей Ха­баров» гэһэн бүхэроссиин мүрысөөндэ Буряадай ба­рилдаашад нэгэ алтан, нэгэ мүнгэн болон зургаан хүрэл медальнуудта хүртөө.

Эндэ Батор Санжинима­ев 97 килограмм хүрэтэр шэгнүүртэ түрүүлжэ гараа. Үбэр Байгалай хизаарай ба­рилдааша Цырен Сультимов 86 килограммай шэгнүүртэ чемпион боложо тодороо.

Будапешт. Дэлхэйн чем­пионадта Буряадай хоёр та­мирша басагад хабаадаһан байна. Стальвира Оршуш болон Ирина Ологонова гэгшэд Хитадай барилда­ашадта шүүгдэжэ, шан­гай һууринуудые эзэлжэ шадаагүй.

Тус мүрысөөндэ Ородой суглуулагдамал эхэнэрнүү- дэй командын медаль аба­жа шадаагүйнь харамтай. Бүхы дээрээ Японой баса­гад дүрбэн алтан медальтай гэртээ бусаа.

Эхэнэрнүүдэй коман­дын ахамад һоригшо Юрий Шахмурадовай хэлэһээр, 2019 ондо тон харюусалга­тай мүрысөөнүүд болохо­ор хараалагдана. Тиигэжэ Казахстанда болохо дэл­хэйн чемпионадта 2020 ондо үнгэргэгдэхэ Олим­пиин наадануудта хабаа­дахын түлөө путёвконууд хубаагдаха. Тиимэһээ алдуу эндүүгээ заһажа, Ородой ба­сагад амжалтатайгаар хаба­адаха бэзэ гээд найдагдана.

Сүлөөтэ барилдаагаар Ородой тамиршад дүрбэн алтан медаль абаһан бай­на. Тиихэдэ греко-римскэ түхэлэй барилдаагаар аяар зургаан алтан медальда хүртөө.

Борис Балдановай гэрэл зураг