​Тарах хотодо талаан тудаба

Казахстанай ССР-эй олон жэл соо хүтэлбэрилэгшэ ябаһан Динмухамед Ку­наевай түрэл тоонто Тарах хотодо уласхоо­рондын мүрысөөн жэл бүри эмхидхэгдэжэ, олон мэдээжэ тамиршадые суглуулдаг заншал­тай. Мүнөө жэлэй тулалдаануудта Буряадай та­миршад гурбан медаль абажа шадаа.

Мүнөө жэлдэ энэ мүрысөөндэ 7 гүрэнэй 150 га­ран барилдаашад хибэс дээрэ гараа.

57 килограмм хүрэтэр шэгнүүртэ Буряадай та­миршан Жаргал Дамдинов түрүүлһэн байна. Үнинэй Беларусь гүрэнэй түлөө барилдадаг Димчик Ринчи­нов хоёрдохи шангай һуури эзэлээ. Һаяхана болоһон Юрий Власкогой мүнхэ дурасхаалай түрүүшын улас­хоорондын шэгнүүртэ Жаргал Дамдинов түрүүлээ һэн гээд һануулая.

74 килограмм хүрэтэр шэгнүүртэ Арсалан Буда­жапов чемпион боложо тодороо. Тэрэ финалда Да­гестанай Мурад Курамагомедовые 4:3 гэһэн тоотой­гоор илажа гараа. Арсалан хадаа Тарах хотодо 2016 ондо амжалта туйлаа бэлэй.

Баяр Цыренов болон Алексей Боровицкий өөр өөрын шэгнүүртэ 5-дахи һууринуудые эзэлээ.

Тус мүрысөөндэ Казахстанай барилдаашад дүрбэн алтан медаль абаа. Беларусь, Монгол гүрэнүүдэй, Ородой Дагестан болон Саха-Яхад Ула­суудай нэгэ-нэгэ тамиршад түрүүлжэ гараа.

"Борцы Бурятии" бүлгэмэй гэрэл зураг