​Олег Алексеевэй дурасхаалда зорюулагдаһан мүрысөөн

Буряадай барилдаашад сооһоо анха түрүүшын Евро­пын абарга болоһон Олег Алексеевэй мүнхэ дурас­хаалда “Абай Гэсэр” гэһэн бүхэроссиин мүрысөөн зорюулагдаа.

Эндэ диилэһэн тамиршад “Ородой спортын мастер” гэһэн нэрэ зэргэдэ хүртэдэг заншалтай. Харин мүнөө жэл илагшад мастернууд боло­жо шадахагүй. Юуб гэхэдэ, бүхэроссиин мүрысөөнүүдэй гуримаар 15 можо, хизаарну­уд хабаадаха хэрэгтэй. Харин Улаан-Үдэдэ оройдоол зурга­ан регион ерээ. Бүхы шангай һууринуудые тус мүрысөөндэ Буряадай тамиршад эзэлээ.

Өөр өөрын шэгнүүртэ Ба­рас Шоймполов, Юрий Банза­ракцаев, Зоригто Ульзутуев, Агван Шадапов, Евгений Жер­баев, Анатолий Шагжитаров, Барас Базаров, Эрдэм Жамба­лов, Булат Дарижапов болон Батор Доржиев гэгшэд түрүү һууринуудые эзэлээ. Олег Алексеев бүхы ехэ амжалта­нуудаа 82 килограмм хүрэтэр шэгнүүртэ туйлаа бэлэй. Мүнөө үедэ энэ шэгнүүр үгы юм. Тиимэһээ 86 килограмм­да шалгарһан Барас Базаров мүрысөөнэй эрхим барилдаа­шан гэжэ тодороо.

Декабриин 14-15-ай үдэр- нүүдтэ Буряадай чемпио­нат болохоор хараалагдана. 80 наһа гүйсэһэн мэдээжэ һоригшо Виктор Васильевич Баймеевтэ энэ мүрысөөн зо­рюулагдаха.

Анна Огороднигой гэрэл зураг