​​Европодо эгээ мэргэн

Хорватиин Осиек хотодо болоһон сагаалса буудалгаар Европын чемпио­надта Буряадай тамиршан Яна Енина алтан медаль абажа шадаба. Тус мүрысөөндэ тэрэ команд­на тоосоондо шалгараа.

Мартын 16-24-эй үдэрнүүдтэ үнгэргэгдэһэн Европын чемпионат эдиршүүлэй болон ехэшүүлэй дунда болоһон байна. Бүхы хабаадагшад ганса 10 метр зайда мүрысөө. Тус хэмжээ ябуулгада 46 гүрэнэй 600 га­ран тамиршад хабаадаа гээд хэлэл­тэй.

Пистоледээр буудадаг Яна Енина Ородой суглуулагдамал командын бүридэлдэ Эрхүү можын Надежда Ко­лода болон Белгород можын Анаста­сия Шадах гэгшэдтэй оруулагдаа. Эдэ гурбан эдиршүүлэй дунда 15 коман­да сооһоо эрхим байба. Түгэсхэлэй уулзалгада тэдэ Венгриин тамирша­дые 17:15 гэһэн тоотойгоор шүүжэ гараа.

Яна Енина хадаа 2018 ондо эдиршүүлэй дунда Олимпиин наада­нуудта шангай хоёрдохи һуури эзэ­лээ бэлэй гэжэ һануулая. Тэрэ Алек­сандр Степановай ударидалга доро һорилго хэдэг юм.

ССР сайтһаа гэрэл зураг абтаба