​​Агын басаган - Европын чемпион

Яна Жаповагай наадаһан наһанай бүлэгтэ 23 хүн хюлгын саана һуугаа. 8 очко абаһан Агын эдир шатар­шан түрүү һуурида гараа. II болон III һууринуудые Босни ба Герцеговина гүрэнэй эхир Маса болон Милана Ба­бич гэгшэд эзэлээ.

Эдир чемпионой түрүүшын һоригшо Аюша Долсонов болон мүнөөнэй һоригшо Денис Абашеев гэгшэд ба­яртай мэдээсэл абаһаар лэ, Интернет сүлжээгээр тараагаа.

Ородой суглуулагдамал командын бүридэлдэ Буряад Уласай хоёр шатар­шад оруулагдаа. Мария Хамнуева бо­лон Лариса Бубеева гэгшэд өөр өөрын наһанай бүлэгүүдтэ шангай һуурида гаража шадаагүй.

Зургаан наһанай бүлэгтэ үнгэргэгдэһэн Европын чемпионадта Оро­дой 44 шатаршан хабаадаа. Тэдэнэй оройдоол гурбан медаль абажа шадаһаниинь гайхалтай.

 Денис Абашеевай гэрэл зураг