874
2019 туйлаһан амжалтануудай дүнгүүдээр Буряад Уласай Толгойлогшо Алексей Цыденов тамиршад болон тэдэнэй һоригшодто гүрэнэй шагналда хүртэхэ үнэмшэлгэнүүдые барюулаа.
- Тамирай туйлалтанууд хадаа уласайнгаа нэрэ нэрлүүлжэ, залуушуулда жэшээ болоно. Хэжэ байһан ажалайтнай түлөө ехэ баяр хүргэжэ, саашадаа һайхан жэшээ харуулжа ябахыетнай хүсэнэб, - гэжэ Алексей Цыденов тамиршад болон һоригшодто хандаба.
2019 оной түрүүшын хахад жэлэй туршада Буряад уласай суглуулагдамал командануудай гэшүүд Бүхэдэлхэйн үбэлэй универсиадада , дэлхэйн, Европын мүрысөөнүүдтэ 60 медальда хүртэһэн байна.тодорхойлбол, тэдэнэй 19-ниинь – алтан, 19 - мүнгэн, 22 хүрэл медальнууд болоно. Бүхыдөө 33 тамиршад болон 20 һоригшод амжалта туйлаа гээд тэмдэглэлтэй.
Армрестлинг, гиир үргэлгэ, сүлөөтэ барилдаан, сагаалсавбуудалга, һур харбалга, тхэквондо ИТФ, эрэмдэг бэетэшүүлэй тамирай мүрысөөндэ, сумо, тхэквондо МФТ, ушу гэһэн тамирай зүйлнүүдэй түлөөлэгшэд гүрэнэй шагналнуудта хүртөө.
Буряад Уласай гүрэнэй тамирай шагналнуудта хүртэһэн тамиршад болон һоригшодой нэрэнүүдые эндэ хараха аргатайт.
