​​Энхтүгэсэй Оюунболд абаргын соло дуудуулаа

Facebook.com/Монгол бөхийн хий морь

Тулгар түрын 2228, Ехэ Монгол Уласай 813, Арадай хубисхалай 98 жэлэй ойдо зорюулагдаһан үндэһэтэнэй ехэ баяр нааданай бүхын барилдаанда Уласай арсалан солотой Энхтүгэсэй Оюунболд түрүүлээ.

Хэнтэй аймагай Үмэнэ Дэлгэр сомонһоо уг гарбалтай Уласай арсалан Увс аймагһаа гарбалтай, Уласай абарга Н. Батсууриие юһэнэй дабаан дээрэ диилэжэ, энэ амжал­таяа туйлаба.

Тэрэ уласай нааданда хоёрдохиёо түрүүлжэ, Монголой 24-дэхи абаргын нэрэ солодо хүртэхэһөө гадна Б. Бат-Эрдэнэ абаргын һүүлээр Хэнтэй аймагта түрэһэн хоёрдохи абарга болобо гээшэ. Тамиршан 2015 ондо нааданай хүсэтэ бүхын барилда­анда түрүүлһэн юм.

Энхтүгэсэй Оюунболд 1993 ондо Хэнтэй аймагай Үмэнэ Дэлгэр сомондо түрэһэн. 2005 онһоо Дархан абарга Б. Бат-Эрдэнын байгуулһан “Абарга” гэһэн дээдэ һургуулида Б. Адьяахүү нашанай ударидал­га доро бүхын эрдэмдэ һуража эхилээ. 2012 ондо Хэнтэй аймагай нааданда түрүүлжэ, «аймагай арсалан» солодо хүртөө. Ха­рин 2015 ондо уласай нааданай түрүүдэ хүртэжэ, уласай арсалан болоһон юм.

Хан Хэнтэй нютагһаа хоёрдохи абарга­да “Абарга” гэһэн соло олгохо тухай Мон­гол Уласай Юрэнхылэгшын зарлигые Там­гын газарайнь дарга З. Энхболдын арад түмэндөө уншажа үгэһэнэй удаа Юрэнхы­лэгшэ Халтмаагийн Баттулга соло, тэмдэ­гыень Энхтүгэсэй Оюунболд бүхэдэ барю­улаа.

Үндэһэтэнэй баяр нааданай 512 бүхэшүүлэй барилдаанда юһэн дабаа даба­жа түрүүлһэн Монгол Уласай шэнэ абарга­да “Nissan Patrol Y62” гэһэн түхэлэй түмэр хүлэг бэлэг болгон барюулагдаа. Мүн Хан Хэнтэй аймагай Нютагай зүблэлэйхин Ула­ан-Баатар хотодо табан таһалгатай кварти- раар хүндэлбэ.

Р.S. Шэнэ абарга Э. Оюунболд шагна­лайнгаа «Ниссан Патрол» машина аук­цион худалдаагаар худалдажа, тэрэ олоһон мүнгөөрөө Хэнтэй аймагайн­гаа сомонуудай эмнэлгэнүүдтэ авто­машинануудые абажа үгэхөөр болобо. «Ниссан Патрол» (Nissan Patrol Y62) машина мүнөө дээрээ Ородой мүнгөөр 4 млн. түхэригтэ хүрэнэ. Аукциондо табигдаһан машина бүри үнэтэйгөөр худалдагдажа магадгүй.