​​Улаан-Үдэдэ жэлэй эрхим тамиршан элирүүлэгдээ

Заншалта ёһоороо декабрь һарада Улаан-Үдэ хотын эрхим тамиршанай нэрэнүүд соносхогдоно. Энэшье удаа шүүгшэдэй комисси байгуулагдажа, түрүүшүүл тодорбо.

Эрхим тамиршадай нэрэнүүд хэдэн шэглэлээр элирүүлэгдээ. Тиигэжэ Олимпиин спортын зүйлнүүдээр боксёр Людмила Воронцова шалгараа. Хажуугаарнь үшөө дүрбэн тамиршан шангуудта хүртөө. Эдэ хэд бэ гэбэл, барилдаашад Стальвира Оршуш, Евгений Жербаев, һур харбаашад Инна Степанова, Эрдэм Цыдыпов.

Олимпиин бэшэ спортын зүйлдэ тхэквондист Александр Бодров түрүүлээ. Арбаледээр буудадаг Инна Будаева, Анна Сушко болон Валентина Протасова гэгшэд табан эрхимүүдэй тоодо ороо.

Эрэмдэг бэетэй тамиршадай дунда һур харбаашан Баир Шигаев эр хим болобо. Гадна Татьяна Андриевская, Александр Дорофеев, барилдаашад Александр Цоктоев болон Даба Цырендоржиев гэгшэд харбаашадай дунда эрхимүүдэй тоодо ороо.

Эгээл эрхим команда гэхэдэ, 2006 ондо түрэһэн басагадай баскетбольна команда болоно гээшэ. Мүн тиихэдэ эрхим 10 эдир тамиршад нэрлэгдээ.

Шан барюулгын баяр ёһолол декабриин 24-дэ үнгэргэгдэхөөр хараалагдана.