Эдир тамиршан “Авангард” клубэй гэшүүн болобо

Улаан-Үдэ хотын эдир тамиршан Всеволод Туркин хоккей нааданай “Авангард” клубэй Академидэ һурахань.  11 наһатай хүбүүн  саашадаа мэдээжэ тамиршан болохо аргатай.  Улаан-Үдэ хотодо “Моритон” клубтэ Всеволод  һорилго хэдэг байһанаа, мүнөө Москва хото нүүжэ ошонхой.

 Москва шадархи Балашиха хотодо “Авангард” клуб үнинэй байгуулагданхай. Ехэ шадалтай, бэрхэ үхибүүд тэндэ һуража, саашадаа мэдээжэ тамиршад болодог.

Хоккей нааданай “Авангард” клубтэ  ерээдүй сагай эрхим тамиршадые бэлдэдэг юм. Тиимэһээ Всеволод Туркин саашадаа Бүхэдэйхэйн тамиршан боложо тодорхо аргатай, - гэжэ “МК в Бурятии” сонин мэдээсэнэ