​“Бурятия” команда футболоор бүхэроссиин түгэсхэлэй шатада наадахань

Һайн дуратанай командануудай дунда футболоор Ородой чемпионадай түгэсхэлэй шата ноябриин 21-дэ эхиеэ абахань. “Бурятия” гэһэн команда анха түрүүшынхиеэ наадахаар түсэблэнэ.

Тус мүрысөөндэ 10 команданууд наадахаар хараалагданхай. Жэрээб таталга ноябриин 16-да болоһон байна. Мүрысөөнэй түрүүшын шатада “Бурятия” командын футболистнууд Сахалинай можын “Ноглики”, Москвагай “Росич”, Ставропольско хизаарай Ивановское хүдөө һууринай

«СтавропольАгроСоюз» болон Сергиев Посад хотын «СШ Сергиев Посад» командануудтай наадаха болобо.

Сочи хотодо болохо мүрысөөндэ түрүүшынгээ наада “Бурятия” ноябриин 22-то үнгэргэхэ.