​Бүхэроссиин мүрысөөндэ Буряадай тамиршад амжалтатайгаар бэлдэнэ

Тайска боксоор Красноярск хотын нээмэл мүрысөөндэ Буряадай тамиршад 10 медальда хүртэбэд.

Тус мүрысөөндэ Буряад Уласые “Клинч 03” болон “Аварга” гэһэн спортын клубуудай гэшүүд түлөөлөө. Москва, Шэтэ, Новосибирск, Эрхүү, Томск хотонуудай болон Красноярска хизаарай тамиршадтай тэдэ мүрысөө.

Өөрын наһанай бүлэгтэ Дарья Ербаева чемпионой нэрэ зэргэдэ хүртөө. Буряадай тамиршад үшөө зургаан мүнгэн, гурбан хүрэл медальнуудые абажа шадаа.

Декабрь һарада Нижегородско можодо эдиршүүлэй дунда Ородой чемпионат болон ехэшүүлэй дунда Ородой Кубокто хүртэхын түлөө мүрысөөнүүд болохоор хараалагдана. Красноярскда болоһон мүрысөөн Буряадай тамиршадта бэлдэлгэ боложо үгөө.