​Буряадай Радна Цыбиков эрхим найман тамиршадай тоодо ороо

Боксоор Ородой чемпионадай ээлжээтэ үдэр Буряадай тамиршад нэгэ амжалта туйлаа.

Ноябриин 30-да мүрысөөнэй ринг дээрэ Буряадай хоёр тамиршан гараа. 57 килограммай шэгнүүртэ Альберт Гатаулин Удмурти Уласай тамиршан Максим Чернышевт’й уулзаа. Тус тулалдаанда Ижевск хотын түлөөлэгшэ саашаа мүрысөөгөө үргэлжэлүүлхэ гэжэ шүүгшэд шиидхэбэри абаа.

60 килограммда Радна Цыбиков ээлжээтэ амжалтаяа туйлаа. Санкт-Петербургын Дмитрий Кружковые тэрэ илажа гараа. Иигэжэ Радна өөрын шэгнүүртэ эрхим найман тамиршанай тоодо ороһон байна. Удаадахи уулзалгаяа Буряадай тамиршан декабриин 2-то Удмурт Уласай Оганес Снхчянтай үнгэргэхэ.

Мүнөөдэр, декабриин 1-дэ? ринг дээрэ Батор Сагалуев гараха. Тэрэ Башкортостанай Артур Мухтаровтай уулзажа, нютагайнгаа хүбүүн Николай Харанахоевай түлөө үһөөtнь абажа туршаха.