​Улаан-Үдэ хотын эдир баскетбол наадагшад шалгараа

2008 оной хүбүүдэй дунда регион хоорондын мүрысөөндэ Улаан-Үдэ хотын спортын 5-дахи һургуулиин шабинар шангай хоёрдохи һуурида гараа.

 Хэдэн наһанай бүлэгтэ Ородой чемпионат үсөөн командануудай хабаадалгатайгаар үнгэрэгдэнэ. Гол шалтагааниинь һүжэрһэн муухай үбшэн болоно ха юм. Харин 2008 оной хүбүүдэй Сибирь болон Алас Дурна зүгэй тулалдаануудта аяар 10 команда хабаадаһаниинь гайхалтай.

Мүрысөөнэй нэгэдэхи шатада Буряадай баскетбол наадагшад Барнаул, Абакан, Томск болон Новосибирск хотонуудай командануудые диилэжэ, бүлэгтөө түрүү һуури эзэлээ. Финальна уулзалгада спортын 5-дахи һургуулиин шабинар Красноярскын хүбүүдтэ шүүгдэжэ 2-дохи һуурида гараһан байна.

Тус амжалтын хүсөөр тэдэнэр Ородой чемпионадай хахад финалай шатада гаража шадаа. Октябрь болон ноябрь һарануудта иимэ амжалтануудые басагадай хоёр команда иимэ амжалтануудай туйлаа һэн гээд һануулая.